بالعراقى (( اهداء الى ...العراق )) ...؟؟؟؟؟

 أشلون راح تلزم ايدي راس السطر وتعزف عالعود والكيتار ....

 وانا بكل مرة شوف الخطف والذبح والقتل ملاحك وطنا .. 

او وطنا صاير متصدر عناوين الصحف والأخبار ...

 اشلون راح انعيش بغير دنيا اوحنا شمتنا من زاخو للأهوار ... 

غير دنيا الموت بيها نفسنا متلوث هالنفس ومشتعلة بيه... 

الناروين ماراح انولي ونروح تلحكنا هل النار 

بس العتب لا عالصديق ولا الجار العتب علينا ..... 

أحنا الي نتعارك عالكراسي .... 

وأكبارنا يا وسفة ويا عيب صارو اطفال ازغار ......

ذولة انتم الي خلينا املنا بيكم اوصيناكم على شرف هالدار ... 

 ماصدكتم تلزمون الكرسي .. 

والشعب صار طوبة ترموه مثل ماترمون الزار 

جنتو كبل لااسم لاعنوان لا دور لا دار ...

اليوم ارقى الأسامي والمناطق لأحزابك تتدلع وبخشم عالي تختار ... 

لك مصيت دم الشعب ... 

وبعدك تحجي بالثار ...

اش راح اتكول لربك واش راح يفيدك بالحساب المليون دولار ... 

 لما يسال اشسويت لناسك واهلك ...

يبقى كلة ناسي واهلي طعنت بيهم ودفنتهم بكومة احجار ....

اشلون راح ترفع راسك ياازغير يامُنتخب وايدك ملطخة بالف دم وعار ....

ليش شعلت بارضنا النار ...

ليش ماتباوع لغير علم واشوية منهم تغار ....

لو انت صدك مو انسان بلية شعور وعالكرسي كاعد (( ؟ ))....

 ترى صحيح الله رحيم غفار .... 

بس بنفس الوكت الله غاضب جبار 

 ورح يجي يوم مايفيدك بيه اي دولار ... 

واتشوف حالك محترك بنفس النار ...
 
تحياتى للجميع ... ودام العراق ... 

ودمتم بالف خير ..

وود ومحبة 

وسلام ...